Қарағанды хайуанаттар бағында «Қазақстанның тұмса табиғаты» атты бірегей жоба басталды, оның мақсаты – еліміздегі жануарлар әлемінің сұлулығы мен алуантүрлілігін көпшілікке паш ету.
Қарағанды мемлекеттік зоологиялық бағы – қарағандылықтар мен қала қонақтарының сүйікті демалыс орны. Бұл ірі зоологиялық және ғылыми-білім беру орталығы жергілікті маңызы бар ерекше қорғалатын табиғи аумақтарға жатады әрі Қазақстан Республикасындағы ең көне зоологиялық бақтың бірі. Қолайлы климаттық жағдайы Қазақстанда кең таралған жануарлардан бастап, экзотикалық түрлерге дейінгі әртүрлі жануарларды ұстауға мүмкіндік береді.
Хайуанаттар бағында түсірілім жұмыстары жануарларды жөнсіз мазаламас үшін барлық ережелерді ескере отырып жүргізілді. Осы мақсатта қашықтан жоғары сапалы фотосурет түсіруге мүмкіндік беретін ұзын фокустық линзалары бар арнайы камералар пайдаланылды. Бұл адамнан үркетін, сезімтал түрлерді суретке түсіру кезінде әсіресе маңызды.
Түсірілім барысында National Geographic Qazaqstan фотографтары хайуанаттар бағының қызметкерлерімен ынтымақтаса жұмыс істеді. Мысалы, фотографтар жануарлардың табиғи мінез-құлқын түсіруі үшін қызметкерлер жануарларды белгілі бір уақытта тамақтандырады. Сонымен қатар, хайуанаттар бағы келушілердің әсерін барынша азайту үшін әдеттегі жұмыс уақытынан тыс сағаттарда түсіру мүмкіндігін берді.
.jpg)
.jpg)