Саны: Қазақстандағы нақты саны белгісіз, тек жекелегенбақылау деректері бар. Мысалы, 2007-2008 жылдары Сорбұлақта 800 дараққа дейінбар екені анықталған. Wetlands International (2015)дерегі бойынша әлемдегі саны шамамен 170000–220000 аралығында.
Санаты. Кейжерлерде сирек кездесетін, ұялайтын жыл құсы. Оңтүстік өңірлерде қыстайды.
Таралуы. Сарыалақаз Қазақстанда ұя салады және ұшып өту кезінде елдің барлық аумағында, соның ішінде жазық пен тауларда да ұшырасады. Шығыста және Оңтүстік Алтай мен Сауырдан Тарбағатайға, Жетісу Алатауы мен Тянь-Шаньға дейінгі тау жүйелерін қоса алғанда, оңтүстік-шығыста таралған. Ол – Орталық Азия жағдайында тау етегіндегі даладан теңіз деңгейінен 4000 м биікте жатқан тау жоталарындағы альпілік суайрықтарға дейінгі аймақтарда тіршілік ететін еліміздегі бірден-бір үйрек. Шымкенттен оңтүстігіректе, Іле өзенінің Жаркент тұсындағы орта ағысында және Шарынның сағасында қыстайды. Қыс жайлы болған жылы Аралдың Барсакелмес аралы маңында кездеседі. Бұл түр дала мен шөлді қолай көреді. Тұщы немесе ащы көлдердің, тартылып қалатын уақытша көлшіктердің маңында, сондай-ақ жартасты таулардың 3000 м (Тянь-Шань) және 2000 м (Алтай) биіктікке дейінгі селдір орманды көлдерін мекен етеді. Қоныс аудару кезінде көлдерде жиі кездеседі және орылған немесе әлі орылмаған егіс алқаптарына да тоқтайды.
